काठमाडौँ । कोरोनाविरुद्ध सम्पूर्ण ध्यान केन्द्रीत गरेको सरकारले कोरोना नियन्त्रणका लागि एक साताका लागि लगाइएको लकडाउनको अवधि बढाउने तयारी थालेको छ । हवाई र स्थलमार्ग हुँदै नेपाल छिरेका मानिसको अन्तिम स्वास्थ्य जाँच रिपोर्ट नआएसम्म लकडाउन यथावत राख्ने गरी तयारी थाल्न गृह मन्त्रालयले ७७ वटै जिल्लाका प्रमुख जिल्ला अधिकारीहरुलाई निर्देशन दिएको हो । ‘कोभिड–१९ रोग रोकथाम तथा नियन्त्रणसम्वन्धी उच्चस्तरीय समन्वय समितिका अनुसार अहिलेकै अवस्थामा लकडाउन खुल्ला गर्ने अवस्था नरहेको बताएका छन् । तर दैनिक उपभोग्य बस्तुको सहज व्यवस्थापनका लागि भने उद्योगी व्यवसायीहरुसँग सरसल्ला अभइसकेको बताइएको छ ।
चैत ११ गतेदेखि १८ गते बिहानसम्म एकसाताका लागि सरकारले लकडाउन घोषणा गरेको थियो। भारतले कोरोना संक्रमण फैलन नदिन बुधबारबाटै लागू हुने गरी २१ दिनका लागि लकडाउन गरिसकेको छ। भारतले पनि नेपालले लगाएको भोलिपल्टै देशव्यापी लकडाउन गरेको हो ।