काठमाडौँ । ललिता निवास प्रकरणमा जोडिएकाहरुलाई पक्राउ गर्ने बाटो खुलेको छ । १ सय ७५ आरोपितविरुद्ध केन्द्रीय अनुसन्धान ब्यूरो (सीआईबी) ठगी मुद्दा दर्ता भएपछि यस्तो बाटो खुलेको हो । सीआईबीका प्रमुख डीआईजी निरज शाहीका अनुसार गृहमन्त्रालयको जाहेरीको आधारमा उनीहरुविरुद्ध ठगी मुद्दा दर्ता भएको हो ।
मुद्दा दर्ता भएसँगै आरोपित बनाएकालाई पक्राउ गरेर सीआईबीलाई थप अनुसन्धान अगाडि बढाउने बाटो खुलेको बताइन्छ । आरोपितहरू अदालतबाट दोषी ठहरिए १० वर्षसम्म कैद, हिनामिना भएको सम्पत्ति जफत, त्यहीबमोजिम बिगो खुले बिगो बराबर जरिवाना हुनसक्छ व्यवस्था रहेको छ ।