रसुवा । देशका दूरदराजलाई पनि बैकिङ पहुँचको दायरामा ल्याउने उद्देश्यले प्रभु बैंक देशका दूरदराजमा पनि शाखा विस्तारको अभियानलाई तिव्रता दिएको छ ।  बैंकले रसुवा जिल्लाको गोसाइकुण्ड गाउँपालिका ४ स्थित लाङटाङ केन्जिङ्गमा आफ्नो २०६ औं शाखा सञ्चालनमा ल्याएको छ ।

बैंकको लाङटाङ शाखा कार्यालयको उद्घाटन गोसाइकुण्ड गाउँपालिकास्थित प्रसिद्ध केन्जिङ्ग गुम्बाका प्रमुख लामा साङगे लामाले गरे । शाखा कार्यालय उद्घाटन गर्दै लामाले प्रभु बैंकको व्यावसायिक सञ्जाल विस्तार गर्दै बैंकिङ्ग पहुँच नपुगेको ठाउँहरुमा आफ्नो शाखा कार्यालय सञ्चालनमा ल्याएर सर्वसाधारणको घर आँगनसम्म सरल र सहज रुपमा आधुनिक बैंकिङ्ग सेवा विस्तार गरी प्रशंसनीय कार्य गरेको बताए ।