काठमाडौं । श्रृजनशील लघुवित्त वित्तीय संस्था लिमिटेडको छैठौं वार्षिक साधारणसभा माघ २७ गते होटल पावन मिथिला थाली प्रालि गोलबजारमा बिहान ९ बजे बस्ने भएको छ । लघुवित्तले यसपटक सभाका लाभांशसम्बन्धी कुनै प्रस्ताव समावेश गरेको छैन । सभाले गत आर्थिक वर्षको वार्षिक तथा लेखापरीक्षकको प्रतिवेदनलगायतका वित्तीय विवरण छलफल गरी पारित गर्नेछ । साथै, चालू आवको लागि लेखापरीक्षक नियुक्ति र पारिश्रमिक निर्धारण पनि सभाले नै गर्नेछ । त्यस्तै, लघुवित्तले मर्जरका लागि उपयुक्त लघुवित्त खोज्ने र सोसम्बन्धी आवश्यक काम गर्न तथा प्रबन्धपत्र तथा नियमावलीमा संशोधन गर्न सञ्चालक समितिलाई अख्तियारी दिने विशेष प्रस्ताव सभामा पेश हुनेछ । साधारणसभा प्रयोजनार्थ लघुवित्तले माघ १८ गते एक दिन बुक क्लोज गर्ने निर्णय गरेको छ । त्यसैले माघ १५ गतेसम्म कायम शेयरधनी सभामा भाग लिन सक्नेछन् ।