काठमाडौं । सनराइज बैंकले जारी गरेको सात वर्ष अवधि रहेको तीन अर्ब रकम बराबरको ऋणपत्र पूर्ण रुपमा बिक्री भएको बैंकले जनाएको छ । गत कात्तिक २० गते निष्काशन गरिएको उक्त ऋणपत्र छिटोमा कात्तिक २४ र ढिलोमा मंसिर १९ गतेसम्म खुल्ला रहेको थियो । १०.२५ प्रतिशत व्याज प्रदान गरिने उक्त ऋणपत्र पूर्ण बिक्री भएको बैंकले जनाएको छ । सर्वसाधारण निष्काशनको तर्फबाट ४५ करोड ३८ लाख २९ हजार बराबरको ४ लाख ५३ हजार ८ सय २९ कित्ता र परिपत्र विधिको तर्फबाट २ अर्ब ५४ करोड ६१ लाख ७१ हजार बराबरको २,५४६,१७१ कित्ता ऋणपत्र बिक्री भएको बैंकले जनाएको छ ।