काठमाडौं । देशका ठूला स्वास्थ्य संस्था र डिपार्टमेन्टल स्टोरहरुमा आफ्ना ग्राहकहरुलाई विशेष छूटको व्यवस्था गर्दै आएको एनआईसी एशिया बैंक लिमिटेड र थाइल्याण्डको समितिभेज हस्पिटलमा आफ्ना ग्राहकलाई ५ प्रतिशत छूटको व्यवस्था मिलाएको छ । समितिभेज अस्पतालमा एनआईसी एसिया बैंकका भिसा अन्तर्राष्ट्रिय डलर कार्ड प्रयोगकर्तालाई उपचार गराउँदा विभिन्न सेवा सुविधामा ५ प्रतिशत छुट प्रदान गर्ने सम्झौता भएको छ ।
उक्त सम्झौता पत्रमा बैंकको तर्फबाट डिजिटल बैंकिङ्ग विभागका प्रमुख प्रवीण रेग्मी र समितिभेज हस्पिटलको नेपालस्थित प्रतिनिधि कार्यालय स्पिडवे फ्रेईट सर्भिसेसको तर्फबाट कार्यकारी निर्देशक राजु श्रेष्ठले हस्ताक्षर गरेका हुन् ।