काठमाडौं । साताको अन्तिम दिन शुक्रबार सुन चाँदीको मूल्य बढेको छ । यस दिन सुनको मूल्य प्रतितोला ६ सय रुपैयाँले बढेको छ । नेपाल सुन–चाँदी व्यवसायी महासंघका अनुसार छापावाल सुन प्रतितोला एक लाख ११ हजार ८०० रुपैयाँ र तेजावी सुन एक लाख ११ हजार २५० रुपैयाँमा कारोबार भएको छ । विहीबार छापावाला सुन प्रतितोला एक लाख ११ हजार २०० रुपैयाँ र तेजावी सुनको मूल्य तोलाको एक लाख १० हजार ६५० रुपैयाँ थियो । आज चाँदीको भाउ १० रुपैयाँले बढेर १३ सय ९५ रुपैयाँ कायम भएको छ । बिहीबार प्रतितोला १३ सय ८५ रुपैयाँमा कारोबार भएको थियो ।