काठमाडौं । स्वाभिमान लघुवित्त वित्तीय संस्था लिमिटेडले गत आर्थिक वर्षको चौथो त्रैमाससम्ममा ७ करोड २३ लाख रुपैयाँ खुद नाफा आर्जन गरेको छ। यो अघिल्लो आर्थिक वर्षको सोही अवधिको तुलनामा ८१९.०८ प्रतिशत बढी हो। अघिल्लो आर्थिक वर्षको सोही अवधिसम्ममा लघुवित्तले ७८ लाख ७२ हजार रुपैयाँ खुद नाफा कमाएको थियो। समीक्षा अवधिमा लघुवित्तको खुद ब्याज आम्दानी ८६.४३ प्रतिशत बढेको छ भने खुद फि तथा कमिशन आम्दानी २०.५० प्रतिशत बढेको छ। त्यस्तै, लघुवित्तको कुल सञ्चालन आम्दानी समीक्षा अवधिमा ७३।९६ प्रतिशत बढेको छ भने सञ्चालन मुनाफा १ हजार १०४.२० प्रतिशत बढेको छ। समीक्षा अवधिमा लघुवित्तको खराब कर्जा ३.१५ प्रतिशतविन्दु घटेर ४.२० प्रतिशतमा झरेको छ। त्यस्तै, गत आर्थिक वर्षको अन्त्यसम्ममा लघुवित्तको इम्पेरमेन्ट चार्ज २ करोड १० लाख रुपैयाँ रिभर्स भएको छ। जसका कारण लघुवित्तको सञ्चालन मुनाफा र खुद नाफा दुबै उल्लेख्य बढ्न पुगेको हो। नाफासँगै लघुवित्तको प्रतिशेयर आम्दानी पनि उल्लेख्य बढेको छ। समीक्षा अवधिमा लघुवित्तको यस्तो आम्दानी ४१ रुपैयाँ ७६ पैसा बढेर ४७ रुपैयाँ १५ पैसा पुगेको छ। असार मसान्तसम्ममा लघुवित्तको प्रतिशेयर नेटवर्थ १८७ रुपैयाँ २७ पैसा रहेको छ भने मूल्य आम्दानी अनुपात ३८.३८ गुणा रहेको छ। त्यस्तै, सो अवधिसम्ममा लघुवित्तको वितरणयोग्य मुनाफा ६ करोड ३ लाख रुपैयाँ र वितरणयोग्य प्रतिशेयर आम्दानी ३९ रुपैयाँ ३२ पैसा रहेको छ। १५ करोड ३४ लाख रुपैयाँ चुक्ता पूँजी रहेको यस लघुवित्तको जगेडा कोषमा १३ करोड ३९ लाख रुपैयाँ सञ्चित छ। गत आर्थिक वर्षको अन्त्यसम्ममा लघुवित्तले २ अर्ब ७७ करोड ७८ लाख रुपैयाँ निक्षेप तथा सापटीबाट २ अर्ब ८८ करोड ४१ लाख रुपैयाँ कर्जा लगानी गरेको छ।