काठमाडौं । आइएमई पेले सर्वसाधारणलाई २० प्रतिशत शेयर जारी गर्न नियामक निकाय नेपाल राष्ट्र बैंकसँग अनुमति मागेको छ । केन्द्रीय बैंकले विद्युतीय माध्यमबाट भुुक्तानी प्रदान गर्दै आएका संस्थाहरूलाई स्तहःस्फुर्त रूपमा शेयर जारी गर्न सक्ने व्यवस्था गरेपछि आइएमई पेले सर्वसाधारणलाई शेयर जारी गर्न लागेको हो । आइएमई पेले सर्वसाधारणलाई शेयर जारी गर्नका लागि अनुमति मागेको नेपाल राष्ट्र बैंकले जनाएको छ । आइएमई पे, इसेवा सहित १३ वटा भुक्तानी प्रदायक संस्थाले शेयर जारी गर्ने तयारी रहेको बुझिएको छ । राष्ट्र बैंकले सोमबार मात्र सञ्चालनको अनुमति लिएका भुक्तानी सेवा कम्पनीले शेयर जारी गर्न सक्ने गरी नियमावली ल्याएको थियो । केन्द्रीय बैंकले भुक्तानी प्रदायक संस्थालाई पनि साधारण शेयर जारी गर्न सक्ने व्यवस्था गरेपछि उक्त संस्थाले सर्व साधारणलाई शेयर जारी तयारी गरेका हुन् । भुक्तानी प्रदायक संस्था स्थापना भएको ३ वर्षपछि साधारणलाई २० प्रतिशत शेयर जारी गर्नुपर्ने व्यवस्था केन्द्रीय बैंकले गरेको छ ।