काठमाडौं । उग्र रुपमा कोरोना संक्रमण फैलिने क्रममा छ । दिनदिनै संंक्रमितको संख्या बढ्दै जाँदा देशभरका अस्पतालहरु खचाखच भइसकेका छन् । पछिल्लो २४ घण्टामा मात्रै थप ४ हजार ८ सय ९७ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १३८७९ पीसीआर परीक्षणमा ४७७४ र ९५५ एन्टिजेन परीक्षणमा १७४ गरी ४८९७ जनामा संक्रमण पुष्टि भएको हो । योसँगै देशभर कोरोना भाइरसको सक्रिय संक्रमितको संख्या ३० हजार २९० पुगेको छ । जसमध्ये २३६४ जना संस्थागत आइसोलेसनमा र २७ हजार ८४५ जना होम आइसोलेसनमा रहेका छन् ।