काठमाडौं । संखुवासभामा गए रात एकै परिवारका ६ जनाको हत्या भएको छ । मादी नगरपालिका–१ खोला गाउँका तेजबहादुर कार्कीको परिवारका ६ जनाको हत्या भएको प्रहरीले जनाएको छ । धारिलो हतियार प्रहार गरी हत्या गरेको अवस्थामा शव फेला परेको संखुवासभाका प्रहरी नायव उपरीक्षक लालध्वज सुवेदीले पुष्टि गरेका छन् । उनका अनुसार अहिले थप प्रहरी घट्नास्थलमा जाँदै गरेको छ । हत्या गरिएको शब खोल्सा र बारीमा छरिएर रहेको अवस्थामा भेटिएका छन् । हत्या हुनेमा ५८ वर्षीय तेज कुमार कार्की हजुरबुवा, ५१ वर्षीय मन माया कार्की हजुरआमा, २६ वर्षीय रञ्जना घिमिरे कार्की बुहारी, ९ वर्षीय दिपने कार्की नाति र ३ वर्षीय गोमा कार्की नातिनी रहेका छन् ।