एजेन्सी । एक १४ वर्षीया बालिकालाई पाँच रुसी सैनिकले बलात्कार गरेका छन् । त्यसपछि बालिका गर्भवती भइन् । तर यी बालिकाले गर्भपतन गराउन सक्दिनन् किनभने डाक्टरहरूले गर्भपतन गरेमा उनी फेरि कहिल्यै आमा बन्न नसक्ने चेतावनी दिएका छन्। यस्तो अवस्थामा अहिले बालिका बच्चा जन्माउन बाध्य छन् । ‘मिरर युके’को रिपोर्टका अनुसार यी बालिका युक्रेनको बुचाकी निवासी हुन् । उनको कथा मनोवैज्ञानिक ओलेक्सान्ड्रा क्विट्कोले बताएकी छिन्, जसले पीडितका आमाबाबुको सहमतिमा उनको मनोवैज्ञानिक समर्थन दिइरहेकी छिन्।
रिपोर्टका अनुसार क्विट्कोले हाल रुसी सैनिकहरूद्वारा कथित रूपमा बलात्कृत भएपछि गर्भवती भएका १४ देखि १८ वर्षका थप पाँच किशोरीहरूलाई मद्दत गरिरहेकी छिन्। क्विट्कोले मद्दत गरेको सबैभन्दा कान्छी पीडित मात्र १० वर्षकी छिन् । क्विट्कोले रेडियो स्वोबोडालाई भनिन् ‘१४, १५, १६ वर्षका धेरै किशोरीहरू बलात्कृत भएका छन् । युक्रेनमा युद्ध पछि धेरै गर्भवती किशोरीहरू हुनेछन्। क्विट्कोका अनुसार पीडितमा महिला, पुरुष र साना बालबालिका पनि परेका छन् ।
भर्खरै, युक्रेनका मानव अधिकारका लागि ओम्बड्सम्यान, ल्युडमिला डेनिसोवाले भनिन् कि उनी त्यस्ता केसहरूको दस्तावेजीकरण गर्दैछिन्। उनले बुचामा मात्रै १४ देखि २४ वर्षका २५ जना बलात्कृत भएको र तीमध्ये धेरै गर्भवती भएको दाबी गरिन् । युक्रेनमा युद्धको बीचमा सयौं यौन अपराधका घटनाहरू रिपोर्ट गरिएका छन्। सिभिल लिबर्टीज सेन्टरकी अध्यक्ष ओलेक्सान्ड्रा माटभिचुकले पनि विदेशी सैनिकले युक्रेनी महिलामाथि गरेको बलात्कारको कुरा गरेकी छन् ।