मानिसमा जब पाप र धर्मको डर हुन छाड्छ अनि समाजमा अपराध बढ्छ । धर्मको सीमाभित्र मानिस बस्ने हो भने अपराध शून्य हुन्छ, यस्ता रोगव्याधी र महामारी पनि आउँदैन । धनि हुने नाममा भएका प्राकृतिक दोहनका अपराधले आज विश्व आतंकित बनेको छ । हिन्दू धर्मले परिकल्पना गरेजस्ता समाज निर्माण हुने हो भने न त्यहाँ अपराध हुन्छ न त ठूलो संकट नै आउँछ । भगवान शिवको सबैभन्दा शक्तिशाली मन्त्र हो, महामृत्युन्जय मन्त्र । यस मन्त्रको जपद्धारा अकाल मृत्युको भयबाट मुक्ति मिल्ने मात्र होइन ठुलाठुला रोग र कष्ट समेत निवारण हुने विश्वास गरिन्छ ।

महामृत्युन्जय मन्त्रको महत्व

ॐ त्र्यम्बकं यजामहे सुगन्धिं पुष्टिवर्धनम् ।
उर्वारुकमिव बन्धनान्मृत्योर्मुक्षीय माऽमृतात् ।।

महामृत्युञ्जय मन्त्र किन र के का लागि जप्ने ?
१. देवादिदेव महादेवको सबैभन्दा शक्तिशाली मन्त्र भएकाले यसको जपले जीवनका कैयौं समस्या, बाधा निवारण हुनुका साथै आयू वृद्धि हुने धार्मीक विश्वास छ ।
२. यस मन्त्रको जप गर्दा भगवान शिवसमेत प्रसन्न भएकाले कुडलीमा गम्भीर रोग, दुर्घटना वा अकाल मृत्युको योग भए सो समेत टर्ने विश्वास गरिन्छ ।
३. कसैको मनमा कुनै डर वा भय भएमा दैनिक १०८ पटक महामृत्युन्जय मन्त्रको जप गरेमा मन शान्त हुने र सबै डर निवारण हुने विश्वास गरिन्छ ।

कसरी जप्ने यो मन्त्र ?
१. यसकालागि दैनिक नुहाए पश्चात रुद्राक्ष मालामा १०८ पटक यस मन्त्रको जप गर्नुपर्ने मान्यता छ ।
२. महामृत्युन्जय मन्त्रको जप सोमवार वा प्रदोषका दिन गरेमा विशेष लाभ मिल्ने धार्मीक मान्यता छ ।
३. यो मन्त्र जप गर्दा रुद्राक्ष मालाद्धारा गरेमा बढि लाभ मिल्दछ । अन्यथा संख्याहीन जप गर्दा फल प्राप्त नहुने धार्मीक विश्वास छ ।
४. यो मन्त्र जप गर्दा शिवको प्रतिमा, तस्वीर, शिवलिंग वा महामृत्युन्जय यन्त्र सामुन्नेमा राख्नु पर्दछ ।
५. जप गर्दा हाइ काढ्न, आलस्य गर्न र मन डुलाउनु हुदैँन ।
६. मन्त्र जप गर्दा कसैसंग पनि कुरा गर्नु हुदैँन ।