केशव दुवाडी

१• नेकपामा मुख्यतया ३ शक्तिशाली नेता छन् – ओली , प्रचण्ड र माधव ।
२•प्रचण्ड प्रवृत्ति कहिले ओली तिर , कहिले माधव तिर । एक पटक ओली प्रचण्ड मिलेर माधवलाई भित्तामा पुर्याए ।
३• जब प्रचण्ड ओली बीच शक्तिको टकराब हुन थाल्यो अनि प्रचण्ड माधव तिर नजिकिए र सचिबालयमा ओलीलाई अल्पमत परेर ओलीको इच्छा विरुद्ध आग्नी सापकोटा सभामुख भए ।
४• अल्पमतमा परेपछि ओली झस्किए र माधव सँग चिसिएको सम्बन्ध सुधार गर्न चाहे । माधब ओलीसँग त्यति विश्वस्त छैनन् किनकि ओलीले बेला बेलामा माधवलाई इग्नोर गरेकाछन् ।
५• ओलीलाई सत्ता आरोहण गराउन प्रमुख ३ सारथीहरु बामदेव , इश्वर र विष्णु पौडेल मध्ये वामदेव प्रचण्ड मिलन भैसक्यो , विष्णु बालुवाटार जग्गा काण्डमा नाम जोडिनुका साथै प्रचण्ड तिरै नजिकीएको आभास छ , अहिले ओलीको पक्का मान्छे भनेको इश्वर पोख्रेल भए पनि ओलीले उनलाई भर्पर्दो मान्दैनन् ।
६• अहिले प्रचण्ड माधवलाई प्रधानमन्त्री बनाउने र आफू पार्टी अध्यक्ष बन्ने मेलोमा लागेकाछन् । माधव प्रचण्ड मिल्दा नेकपा सम्सदीय दलमा ओली अल्पमतमा पर्छन् ।
७• यता ओलीले माधवलाई भावी अध्यक्ष तपाईँ नै हो भनेर आफूलाई सहयोग गर्न आग्रह गर्दै भेटघाट बाक्लो बनाइरहेकाछन् । तर पनि ढुक्क हुन सकेका छैनन् ।
८• कथम् कदाचित प्रचण्ड माधव मिलेर आफूलाई प्रधानमन्त्रीबाट हराए भने ४०% सांसद पुर्याएर पार्टी फुटाउने तै पनि माधव प्रचण्ड सँग नझुक्ने सन्देश दिन ओलीले यो अध्यादेशको अस्त्र फालेका हुन् ।
९• अब पार्टी फुट जोगाउनका लागि ओली र प्रचण्ड मध्ये एकजनाले केही कुरा त्याग गर्न पर्ने देखिन्छ । जस्तै ओलीले आफू अध्यक्षबाट राजिनामा दिने र प्रधानमन्त्री मात्र बनेर प्रचण्डलाई शर्वशक्तीमान अध्यक्ष बनाउने ।
तर यसले राजनीतिक सन्तुलन भने कायम गर्नग सक्दैन । यसले पुर्व माओवादी खुसी भए पनि पुर्व एमालेका ओली माधव दुबै पक्ष बेखुसी हुन्छन् ।
अर्को विकल्प भनेको ओली प्रधान्मन्त्री मात्र बन्ने र माधव र प्रचण्ड अध्यक्ष बन्ने ! नत्र ओली माधव मिल्दा प्रचण्ड पार्टी फुटाएर बाहिरिने, माधव प्रचण्ड मिल्दा ओली पार्टी फुटाएर बाहिरिने अवस्था आउन सक्छ ।
ओली प्रचण्ड मिलेको अवस्थामा माधव सँग पनि ४०% साम्सद त हुन्छ तर माधव पार्टी फुटाउने पक्षमा छैनन् । किनकि उनको सन्तुलन र समन्वयकारी भूमिकाले नै १२ बूँदे देखि शान्ति वार्ता र शान्ति सम्झौता भएको इतिहाँस साक्षी छ । (फेसबुकबाट)