सिड्नी । गर्लफ्रेण्डकी साथीलाई बलात्कालर गरेको अभियोगमा अष्ट्रेलियामा नेपाली युवामाथि सुनुवाई शुरु भएकोछ । गर्लफ्रेण्ड भेट्न अस्ट्रेलियाको सिड्नी आइपुगेका एक नेपालीले त्यहाँ गर्लफ्रेण्डकै रुम पार्टनरलाई रक्सी खुवाएर बलात्कार गरेको अभियोगमा अदालतमा सुनुवाइ सुरु भएको छ । ३६ वर्षका नेपाली बलराम शिवमाथि २०१७ को जून १३ मा आफ्नी गर्लफ्रेण्डसँग एउटै कोठामा बस्ने १९ वर्षकी विदेशी युवतीलाई बलात्कार गरेको आरोप छ । सिड्नी मर्निङ हेराल्डका अनुसार सोमबार न्यू साउथ वेल्सको जिल्ला अदालतमा पेश गरिँदा बलरामले भने आफूमाथि लागेको आरोप अस्वीकार गरेका छन् ।
बलराम अमेरिकामा बस्दै आएका थिए र घटनाको एक हप्ता अघि अस्ट्रेलिया गएर गर्लफ्रेण्डसँग बस्दै आएका थिए । पहिल्यै रेकर्ड गरिएको बयान सोमबार अदालतमा देखाइएको थियो जसमा पीडित युवतीले आफूले आफ्नी रुम पार्टनरलाई उनको ब्वाइफ्रेण्डलाई स्वागत गर्नको लागि केक किन्न सहयोग गरेको बताइन् । त्यो दिन उनले बलरामसँग केही समय बिताएको पनि उनले बताएकी छिन् ।
गर्लफ्रेण्ड नभएको बेला आएका बलरामले मदिराको बोतल बोकेर आएका थिए र पीडित युवती र अर्की एक साथीलाई आफूसँगै मदिरा पिउन आग्रह गरे । दुवै युवतीले उनको आग्रह स्वीकार गरे । तीन जनाले पहिलो बोतल सकेपछि बलरामले अर्को बोतल किनेर ल्याउन प्रस्ताव गरे । दुवै युवतीले यो प्रस्ताव पनि स्वीकार गरे । यी घटनाक्रमको क्रममा दुवै युवती मदिराले निकै मातिसकेका थिए । (डीसी नेपालबाट)
