एजेन्सी । अहिले विश्वभर कोरोनाकै आतंक छ । सारा विश्वका वैज्ञानिकहरु यसका विरुद्ध लागे पनि कोरोनाको आतंक रोकिन सकेको छैन । अमेरिकामा कोरोनाभाइरस संक्रमितको संख्या २ लाख बढी पुगेको छ । वर्ल्डोमिटरको ताजा आँकडा अनुसार यहाँ २ लाख १५ हजार ३ जना व्यक्तिमा कोरोनाको संक्रमण देखिएको छ जबकी ५ हजार १ सय २ जनाको मृत्यु भइसकेको छ । कूल संक्रमितमध्ये आधा बढी न्यूयोर्कका छन् । प्रदेशका गभर्नर एन्ड्रू कुओमोले अन्य प्रदेशमा पनि स्थिती भयावह हुनसक्छ । यसअघि मंगलबार उप–राष्ट्रपतिले अमेरिकामा महामारीको स्वरुप इटलीजस्तै भयावह हुने चेतावनी दिएका थिए । कोरोना भाइरसका कारण सबैभन्दा धेरै इटालीमा मृत्यु भएको छ ।