एजेन्सी । कोरोना संक्रमणको चरम चपेटमा छ अमेरिका । अहिले विश्वको सबैभन्दा बढी संक्रमित त्यही देखिएको छ । अमेरिकी राष्ट्रपति डोनाल्ड ट्रम्पले कोरोना भाइरसबाट आगामी साताभित्र मृत्यु हुने मानिसको संख्या धेरै हुने बताएका छन् । कोरोना भाइरस टास्क फोर्सको नियमित ब्रिफिङमा बोल्दै ट्रम्पले अमेरिकामा कोरोना भाइरसबिरुद्धको लडाईँमा सम्भवत यही हप्ता वा आगामी हप्ता सबैभन्दा गाह्रो हुने बताएका हुन् । आगामी सातासम्मको अवस्थालाई गम्भीर रुपमा चित्रत गरेका ट्रम्पले केही महत्वपूर्ण काम गर्न सकिए मृत्युदर कम हुन सक्ने समेत अपेक्षा गरेका छन् । ‘सायद यस साता र अर्को साताबीच सबैभन्दा कठिन समय हुनेछ । दुर्भाग्यवस धेरैको मृत्यु पनि हुनेछ, ट्रम्पले भने, सावधानी अपनाइए केही कम मृत्यु हुन सक्छ, तर मृत्यु निश्चित छ । अमेरिकामा शनिबार अवेर रातिसम्म ८ हजार ४५२ जनाको मृत्यु भएको छ भने ३ लाख ११ हजार भन्दा बढी मानिस कोरोना भाइरसले संक्रमित भएका छन् ।