काठमाडौं । नेपालमा खोपको हाहाकार सकिँदै गएको छ । छिमेकी मुलुक चीनबाट खरिद गरिएको ८ लाख डोज भ्याक्सिन शुक्रबार भित्रिइसकेको छ भने अमेरिकाले नेपाललाई उपलब्ध गराउने भनिएको कोरोनाविरुद्धको १५ लाख डोज पनि शनिबारै नेपाल आइपुग्ने बताइएको छ । समाचार एजेन्सी रोयटर्सका अनुसार अमेरिकाले नेपालाई १५ लाख डोज जोन्सन एन्ड जोन्सन खोप र भुटानलाई ५ लाख डोज मोर्डना खोप उपलब्ध गराउने भएको हो । अमेरिकाले उपलब्ध गराएको उक्त खोप शनिबार नेपाल आइपुग्ने ह्वाइट हाउसका प्रवक्तालाई उध्दृत गर्दै रोयटर्सले जनाएको छ ।