काठमाडौं । असार १४ गतेदेखि चुक्ता पूँजीको ३० प्रतिशत हकप्रद शेयर शिखर इन्स्योरेन्स कम्पनीले निष्काशन गर्ने भएको छ।
इन्स्योरेन्सले चुक्ता पूँजीको ३० प्रतिशत अर्थात १० बराबर ३ कित्ता अनुपातमा हकप्रद निष्काशन गर्न लागेको हो। यसअनुसार कम्पनीले एक सय रुपैयाँ अंकित दरले ३१ करोड ७१ लाख ९३ हजार २०० रुपैयाँ बराबरको ३१ लाख ७१ हजार ९३२ कित्ता हकप्रद जारी गर्नेछ। हकप्रद निष्काशनका लागि इन्स्योरेन्सले फागुन १३ गते शेयर दाखिला खारेजी (बुकक्लोज) गरेको थियो। यसअनुसार फागुन १२ गते सोमबारसम्म कायम यस इस्योरेन्सका शेयरधनीहरुले मात्र उक्त हकप्रदमा आवेदन दिन सक्नेछन्।