सिड्नी । आज विश्व कोरोना संक्रमणको चपेटामा छ । ६ लाख भन्दा बढी मानिस संक्रमित छन् भने ३० हजार बढीले ज्यान गुमाइसकेका छन् । विश्वभर छरिएर रहेका नेपालीहरु पनि यसको संक्रमणमा परेका छन् । अस्ट्रेलियामा ६ जना नेपालीमा कोरोनाभाइरसको संक्रमण पोजेटिभ देखिएको छ। सिडनीमा चार जना विद्यार्थी र मेलबर्नमा दुई जना गरि जम्मा ६ जनामा कोरोनाको संक्रमण देखिएको हो । सिड्नीको ग्रानभिलको एउटा अपार्टमेन्टमा बस्ने तीन जना नेपाली विद्यार्थी र एक जना नर्सिङ होममा काम गर्ने साहयक नर्समा कोरोना संक्रमण पुष्टि भएको बताइएको छ । हाल उनीहरू आइसोलेसनमा रहेका छन्। एक जना नेपाली युवतीमा कोरोना देखिएपछि सँगै बस्ने अन्य दुई जनालाई पनि परीक्षण गर्दा उनीहरूमा कोरोना संक्रमण भएको पाइएको थियो । ग्रान्भिल क्षेत्र नेपालीहरूको बाक्लो बस्ती रहेको एरिया हो । यसैगरी मेलबर्नमा पनि एकै परिवारका तिनजनाको कोरोना परिक्षण गर्दा दुई जनामा कोरोना पुष्टि भएको छ भने एक जनाको रोपोर्ट अझै आउन बाँकी छ । सो परिवारमा नेपालबाट भर्खरै आएकी सालिबाट कोरोना सरेको हो पाइएको छ ।