काठमाडौं । जटिल अवस्था हुँदै गएपछि राखिने आइसियु र भेन्टिलेटरमा उपचार गराउने संक्रमितको संख्या पनि बढ्दै गएको छ । देशभर कोरोना संक्रमितको संख्या बढेसँगै आइसियुमा र भेन्टिलेटरमा उपचार गर्नेको संख्या पनि बढ्न थालेको हो। स्वास्थ्य तथा जनसंख्या मन्त्रालयका अनुसार देशभर २ सय ६३ जना कोरोना संक्रमित विभिन्न अस्पतालको आइसियु र भेन्टिलेटरमा उपचाररत छन्।
मन्त्रालयको तथ्यांक अनुसार ४३ जना भेन्टिलेटरमा र २२० जना संक्रमित आइसियुमा उपचाररत रहेका छन् । आइसियुमा रहेका संक्रमितको संख्या सबैभन्दा बढी बागमती प्रदेशमा १२८ जना आइसियु र ३७ जना भेन्टिलेटर, प्रदेश ५ मा ४१ जना आइसियु र ३ जना भेन्टिलेटरमा, प्रदेश १ मा १४ जना आइसियु र ३ जना भेन्टिलेटरमा उपचाररत रहेको मन्त्रालयले जनाएको छ।
त्यस्तै प्रदेश २ मा १८, गण्डकी प्रदेशमा ६ र कर्णाली प्रदेशमा १३ आइसियुमा उपचाररत रहेका छन् ।