काठमाडौं । आईएमई जनरल इन्स्योरेन्सले चालु आर्थिक वर्षको तेस्रो त्रैमाससम्ममा १० करोड ७३ लाख रुपैयाँ खुद नाफा कमाएको छ । यो गत आर्थिक वर्षको यसै अवधिको तुलनामा खुद नाफा ७.३५ प्रतिशत अर्थात ८३ लाख ५१ हजार रुपैयाँले बढी हो । गत वर्षको तेस्रो त्रैमास सम्ममा इन्स्योरेन्सले १० करोड २ हजार रुपैयाँ खुद नाफा कमाएको थियो ।
यस अवधिमा कम्पनीको खुद बीमा शुल्क भने २ करोड २४ लाख रुपैयाँ अर्थात ८।२१ प्रतिशतले घटेर ३६ करोड २७ लाख रुपैयाँमा सिमित भएको छ । गत वर्षको तेस्रो त्रैमासमा इन्स्योरेन्सले ३९ करोड ५१ लाख रुपैयाँ खुद बीमा शुल्क आर्जन गरेको थियो । यस्तै पुनर्बीमा कमिशन वापत १२ करोड ९ लाख, लगानी कर्जा तथा अन्य आयवाट ३ करोड १४ लाख रुपैयाँ आम्दानी गरेको छ ।
चुक्ता पूँजी एक अर्ब २ करोड रुपैयाँ रहेको कम्पनीको जगेडा कोषमा २१ करोड ९४ लाख रुपैयाँ, बीमा कोषमा ३० करोड ४७ लाख रुपैयाँ सञ्चित छ । कम्पनीले ७३ हजार ३३० वटा बीमालेख जारी गरी ९९ करोड ९ लाख रुपैयाँ कुल बीमा शुल्क आर्जन गरेको छ । यस अवधिमा कम्पनीको ८ हजार ११९ वटा बीमालेख नवीकरण भएका छन् ।
यस अवधिमा कम्पनीले २ हजार ६२३ कुल दाबी वापत ३२ करोड ३० लाख रुपैयाँ भुक्तानी गरेको छ भने २ हजार ८ दाबी वापत ६४ करोड ८७ लाख रुपैयाँ भुक्तानी गर्न बाँकी छ । कम्पनीको प्रतिशेयर आम्दानी वार्षिक १४ रुपैयाँ ०२ पैसा, प्रतिशेयर नेटवर्थ १५१ रुपैयाँ ३६ पैसा र मूल्य आम्दानी अनुपात २४.७५ गुणा बढी छ ।