काठमाडौं । नेपाल पुर्नबीमा कम्पनीले कम्पनीले १ अर्ब ६० करोड रुपैयाँको बराबरको १ करोड ६० लाख कित्ता आईपीओ निष्काशन गर्ने प्रक्रिया थालेको छ । सर्वसाधारणमा शेयर निष्काशनका लागि कम्पनीले आरबिबि मर्चेण्ट बैंकिङ्ग लिमिटेडलाई धितोपत्र निष्काशन तथा बिक्री प्रबन्धकमा नियुक्त गरिसकेको छ । कम्पनीको छैटौं वार्षिक उत्सव कार्यक्रममा बोल्दै अध्यक्ष महेश कुमार गुरागाईले बिहीबार आईपीओ निष्काशन प्रकृया अन्तिम अवस्था रहेको बताएका हुन् । आईपीओ निष्काशन गर्ने नेपाल धितोपत्र बोर्डसँग अनुमति माग गरिसकेकोमा बोर्डबाट अनुमति पाउने वितिकै कम्पनीले सर्वसाधारणमा शेयर जारी गर्ने बताइएको छ ।
कम्पनीको अधिकृत पूँजी १५ अर्ब, जारी पूँजी १० अर्ब, र चुक्ता पूँजी ८ अर्ब ४० करोड रुपैयाँ रहेको छ। सर्वसाधारणलाई शेयर निष्काशन गरी बाँडफाँड गरे पश्चात कम्पनीको चुक्ता पूँजी १० अर्ब पुग्नेछ।