काठमाडौं । नेपाली बजारमा लगातार चौथो दिन सुनको मूल्य घटेको छ । नेपाल सुनचाँदी व्यवसायी महासंघले आजको बजार भाउ तोक्दै लगातार चार दिनसम्म मूल्य घटेको जानकारी दिएको हो । यससँगै, आज छापावाल सुनको मूल्य प्रतितोला ९२ हजार ५०० र तेजाबी सुनको मूल्य प्रतितोला ९२ हजार रुपैयाँ छ । साताको आइतबार तोलामा ९३ हजार ९०० रुपैयाँ रहेको सुनको मूल्य त्यसयता १४ सय रुपैयाँ घटिसकेको छ ।
सोमबार तोलामा ३००, मंगलबार १००, बुधबार ७०० र आज विहीबार ३०० रुपैयाँ रुपैयाँले घटेको हो । यस्तै, आज चाँदीको मूल्य भने बढेको छ । महासंघले आज चाँदीको मूल्य तोलामा ५ रुपैयाँले बढ्दै ११ सय ८० रुपैयाँ पुगेको जनाएको छ । हिजो बुधबार चाँदीको भाउ तोलामा ११ सय ७५ रुपैयाँ थियो ।