काठमाडौं । आज किरात समुदायको उधौली पर्व, नेवार समुदायको योमरी पुन्ही पर्व परेको छ । आज सार्वजनिक बिदा हो वा होइन भन्ने विषयमा सामाजिक सञ्जालहरुमा समेत अनेक तर्कवितर्क प्रस्तुत भइरहेको बेला गृहमन्त्रालयले आज बिना नभएको स्पष्ट पारेको छ । धेरै भित्तेपात्रोहरुमा यो दिनलाई रातो जनाएर सार्वजनिक विदा जनाइएकाले आम सर्वसाधारणलाई अन्योल बनाएको देखिन्छ । अघिल्ला वर्षहरुमा यो दिन सार्वजनिक बिदा भएका कारण केही भित्ते पात्रोहरुले यस वर्ष पनि रातो लगाइदिएका कारण यस्तो अन्योल सिर्जना भएको हो ।

गृह मन्त्रालयले २०७५ चैतमै जारी गरेको नयाँ वर्षका विदासम्बन्धी सूचनामा यो दिन जातीय र धार्मिक समुदायलाई मात्र सार्वजनिक विदा हुने उल्लेख गरेको छ । नेपाल सरकारको आधिकारीक सूचना विभागले जारी गरेको क्यालेन्डरमा उल्लेखित बिदाबाहेक अरु दिन बिदा नभएको गृहमन्त्रालयका अधिकारीहरुले बताएका छन् । यही अन्योलका कारण केही निजी विद्यालयहरुले आज सार्वजनिक बिदा समेत दिइसकेका छन् ।