काठमाडौं । सुनको मूल्य पछिल्लो ८ महिनायताकै सस्तो भएको छ । असोज ३ गते, सुन तोलामा ४०० रुपैयाँले घटेको हो । सोमबार छापावाल सुन प्रतितोला ९१ हजार ४०० रुपैयाँमा र तेजाबी सुन प्रतितोला ९० हजार ९०० रुपैयाँमा झरेको नेपाल सुनचाँदी व्यवसायी महासंघले जनाएको छ । जुन गत पुस २६ गते यताकै सस्तो हो । सो दिन पुस २६ गते, ९१ हाजर ३०० रुपैयाँमा कारोबार भएको थियो । हिजो अर्थात आइतबार सुनको मूल्य भने बढोत्तरी भएको थियो । हिजो सुन प्रतितोला ९१ हजार ८०० रुपैयाँमा किनबेच भएको थियो । यस दिन सुनसँगै चाँदीको भाउ पनि गिरावट भएको छ । आज चाँदी तोलामा १० रुपैयाँले ओरालो लागेर प्रतितोला एक हजार १७५ रुपैयाँमा खरिदबिक्री हुँदैछ । असोजको पहिलो कारोबार दिन, चाँदीको भाउ तोलामा १५ रुपैयाँले महंगिएको थियो । त्यस दिन चाँदी प्रतितोला एक हजार १८५ रुपैयाँ पुगेको थियो ।