काठमाडौं । आज नेपाली बजारमा सुनको भाउ बढेको छ । आज छापावाला सुनको भाउ तोलामा २ सय रुपैयाँले बढेर १ लाख १० हजार ५ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । तेजाबी सुन १ लाख ९ हजार ९५० रुपैयाँमा कारोबार भइरहेको छ । महासंघका अनुसार हिजो सुनको भाउ स्थिर थियो। हिजो छापावाला सुन प्रतितोला १ लाख १० हजार ३ सय रुपैयाँ र तेजाबी सुन १ लाख ९ हजार ७५० रुपैयाँमा कारोबार भएको थियो। आज चाँदीको भाउ पनि तोलामा २५ रुपैयाँले बढेर १ हजार ४१५ रुपैयाँमा कारोबार भएको छ। हिजो चाँदी भाउ तोलामा १ हजार ३९० रुपैयाँमा किनबेच भएको थियो।