काठमाडौं । राजधानीमा मानिस भित्रिने क्रमसँगै राजधानी काठमाडौं संक्रमणको जोखिममा नराम्रोसँग फसेको छ । नाकामा गरिएको परिक्षणमा ४० जनामा संक्रमण देखिनुले राजधानी बाहिरबाट आएकाहरुबाटै राधजानी असुरक्षित भएको प्रमाणित भएको छ । मंगलबार काठमाडौं उपत्यकामा ६२ जना कोरोना संक्रमति थपिएका छन्।

स्वास्थ्य तथा जनसंख्या मन्त्रालयका अनुसार काठमाडौंमा ४८, ललितपुर १ र भक्तपुर १३ जना व्यक्तिलाई कोरोना संक्रमण देखिएको हो। काठमाडौंमा कोरोना संक्रमित हुनेको संख्या ५४१, ललितपुरमा १०९ र भक्तपुरमा ७७ पुगेको छ। योसँगै उपत्यकामा कुल संक्रमितको संख्या ७२७ पुगेको छ। मंगलबार देशभर २५९ संक्रमित थपिएका छन्। योसँगै कुल संक्रमितको संख्या २१ हजार ९ पुगेको छ।