एजेन्सी । कोरोना संक्रमणका कारण पूरै विश्व आतंकित छ । सबैतिर मानिसहरुले ज्यान गुमाइरहेका छन् । अहिले सबैभन्दा बढी मारमा इटाली, स्पेन र अमेरिका परेका छन् । इटलीमा एकैदिन संक्रमितको संख्यामा ४ हजार ५० बढीको वृद्धि भएपछि यहाँ संक्रमितको संख्या १ लाख १ हजार ७ सय ३९ पुगेको छ । संक्रमितध्ये ३ हजार ९ सय ८१ जनाको स्थिती जटिल छ । यसका साथै, यहाँ विगत २४ घण्टाभित्र ८ सय १२ जनाको मृत्यु भएपछि मृतकको कूल संख्या ११ हजार ५ सय ९१ पुगेको छ । यद्यपि, उपचारपछि कूल १४ हजार ६ सय २० जना निको भइसकेका छन् ।