काठमाडौं । बीमासम्बन्धी चेतना अभिवृद्धि गर्दै त्यस व्यवसायमा लागेका र लाग्न चाहनेहरुको क्षमता अभिवृद्धि गर्ने उद्देश्यले स्थापना भएको इन्स्योरेन्स इन्ष्टिच्युटले पहिलो वर्ष पार गरेको छ । गत वर्षको माघ १ गते स्थापना भएको सो संस्थाले एक वर्षको अवधीमा झण्डै चार लाख रुपैयाँ कर भुक्तानी समेत गरेको छ । बीमा सम्बन्धी तालिम इन्टिच्यूट कम्पनी ऐन, २०६३ अन्तर्गत इन्स्यारेन्स इन्स्टिच्युट स्थापना गरिएको हो । बीमा समितिको २२ प्रतिशत, ४० वटा जीवन, निर्जिवन र पुर्नबीमा कम्पनीका २।२ प्रतिशत लगानी रहेको इन्स्योरेन्स इन्स्टिच्युट नेपालले सञ्चालनमा आएको पहिलो वर्ष नै ११ लाख रुपैयाँ मुनाफा आर्जन गर्न सफल भएको छ ।
कम्पनीले गत आर्थिक वर्षमा ३० लाख ७८ हजार रुपैयाँ आम्दानी गर्न सफल भएको हो । सञ्चालनमा आएको छ महिनामा सो रकम संकलन गरेको कम्पनीले त्यसयता थप ३० लाख आम्दानी गर्न सफल भएको जनाएकोछ । एक वर्षको अवधीमा कम्पनीले ४२ वटा तालिम सञ्चालन गरेको छ । वर्षदिनको अवधीमा एक हजार भन्दा बढीले इन्स्टीच्यूटमार्फत मार्फत तालिम लिइसकेको इन्स्टिच्युटका प्रमुख कार्यकारी अधिकृत वरिष्ठ बीमा विज्ञ भोजराज शर्माले बताउनुभयो ।
उक्त तालिममा सहभागी हुने अधिंकाश बीमा कम्पनीहरुका कर्मचारी, बीमा समितिका कर्मचारी र बैंकका कर्मचारीहरु पनि रहेको बताइन्छ । कम्पनीको पहिलो साधारणसभामार्फत चुक्ता पुँजीलाई वृद्धि गरी पाँच करोड कायम गर्ने प्रस्ताव पारित गरेको छ । त्यस्तै कम्पनीको अधिकतम पुँजी १० करोड रुपैयाँ रहेको छ ।