काठमाडौं । घटस्थापनाको शुभ अवसर पारेर नेपाल इभेस्टमेन्ट बैंकले आफ्ना डेबिड तथा क्रेडिट भिसा कार्ड वाहक ग्राहकहरूका लागि सबैभन्दा सुरक्षित र सरल अनलाइन कारोबारका सुविधा प्रदान गर्न आफ्नै पेमेन्ट गेटवे आरम्भ गरेको छ। यो पेमेन्ट गेटवेले व्यापारिक भुक्तानी पोर्टल, प्राप्तिकर्ता बैंक, भिसाजस्ता कार्ड विनियम प्रणाली र जारीकर्ता बैंकबीच कारोबार भएकै समयमा भुक्तानी सहजीकरण सुविधा प्रदान गर्दछ।
प्रयोगकर्ताहरूका लागि प्रणालीमाथि विश्वसनीय सुनिश्चिता कायम गर्न उच्च सुरक्षित इन्क्रिप्सन र अन्य बहुआयामिक सुरक्षा विधिहरूबाट कारोबारका डाटाहरू सुरक्षित बनाइएको बैंकले दाबी गरेको छ।
नेपाल इभेस्टमेन्ट बैंकले आफ्नो सेवालाई चुस्तदुरुस्त र विश्वसनीय प्रणाली विकास गरी नेपाली बैंकिङलाई विश्वव्यापी मानका लैजाने उद्देश्यअनुरुप यो सेवा सञ्चालनमा ल्याएको हो । नेपाल इन्भेष्टमेन्ट बैंकका हालसम्म ८२ शाखा, १२२ एटीएम, १५ एक्सटेन्सन काउन्टरहरू, १० राजस्व संकलन काउन्टरहरू र ५५ शाखारहीत बैंकिङ काउन्टर सञ्चालनमा छन् ।