काठमाडौं । सोमबार सुनको थोरैले उकाले लागेको छ । आइतबार प्रतितोला ८८ हजार ३ सय रुपैयाँमा कारोबार भइरहेको सुन ४ सय रुपैयाँले बढेर ८८ हजार ७ सय रुपैयाँ पुगेको हो । नेपाल सुनचाँदी व्यवसायी महासंघको अनुसार छापावाल सुनको मूल्य बढ्दा तेजाबी सुनको मूल्य पनि बढेको छ । आइतबार ८७ हजार ८५० रुपैयाँमा कारोबार भइरहेको सुन ४ सय रुपैयाँले बढेर ८८ हजार २५० पुगेको छ । महासंघको अनुसार आज चाँदीको मूल्य ५ रुपैयाँले बढेर प्रतितोला १३३० रुपैयाँमा कारोबार भइरहेको छ ।