काठमाडौं । २०७५ साल जेठको दोस्रो साता ओली नेतृत्वको सरकारमा सहभागीता जनाएका तत्कालिन संघीय समाजवादी पार्टीका अध्यक्ष उपेन्द्र यादवले अन्ततः आजबाट ओली नेतृत्वको सरकार छाडेका छन् । मंसिर पहिलो साता मन्त्रिमण्डल पुनर्गठन गर्दा सोध न खोज मन्त्रालय परिवर्तन गरिएका यादवले त्यतिबेलै सरकार छाड्ने अनुमान गरिएको थियो । तर संविधान संशोधनको मुल कार्यभार पूरा नभएको भन्दै फेरिएको मन्त्रालयमा बहाली गर्न पुगेका यादव नयाँ मन्त्रालय बहाली गरेको महिना दिन पनि नपुग्दै सत्ता छाड्न पुगेका छन् ।
उनीसँगै सरकारमा सहभागी शहरी विकास मन्त्री इस्तियाक राईले पनि राजीनामा दिएका छन् । यादव र राईले आज राजीनामा बुझाएका हुन् । सोमबार ४ बजे बसेको मन्त्रिपरिषद्को बैठकमा यादवले आफैंले हस्ताक्षर गरेर संविधान संशोधनका लागि कार्यदल बनाउने प्रस्ताव राखेपछि प्रधानमन्त्री ओली र यादवबीच पाँच मिनेटसम्म गलफत्ती चलेको थियो ।
मन्त्रिपरिषद्मा मन्त्रालयको तर्फबाट लाने प्रस्तावमा मन्त्रिस्तरीय निर्णय भए पनि सचिवको हस्ताक्षर हुनुपर्ने प्रावधान रहे पनि मन्त्री यादवले आफैं हस्ताक्षर गरेर ठाडो प्रस्ताव मन्त्रिपरिषद् बैठकमा लगेका थिए । मन्त्री यादवले संविधान संशोधनको लागि पूर्व प्रधानन्यायाधीशको नेतृत्वमा कार्यदल गठनको एजेण्डा मन्त्रिपरिषद्को बैठकमा राखेपछि प्रधानमन्त्री ओलीले संविधान संशोधन मादल बजाएजस्तो नभएको भन्दै, जतिबेला मादल बज्यो उतिबेला नाच्ने हो ?
भन्दै यादवलाई चर्को स्वरमा जवाफ फर्काएपछि भनाभन शुरु भएको मन्त्रिपरिषद् स्रोतले बताएको छ । आफ्नो प्रस्ताव मन्त्रिपरिषमै छलफल हुन नपाएपछि र प्रधानमन्त्रीले पनि संम्झाउने भन्दा पनि हकार्ने शैलीमा प्रस्तुत भएपछि यादव सत्ता छाड्ने मनस्थितिमा पुगेका हुन् । यादवले मन्त्रिपरिषद्मा भएका गतिविधिका बारेमा पार्टी पदाधिकारी बैठकमा आज ब्रिफिङ गरेका थिए । पदाधिकारी बैठकमा ब्रिफिङ लगत्तै पार्टीले सरकार छाड्ने निश्कर्षमा पदाधिकारीको सुझाव बमोजिम यादव र राईले राजीनामा बुझाएको पार्टीका नेता डा. शिवजी यादवले बताउनुभयो । त्यसपछि संसदीय दलको बैठक बसेको थियो ।
बुधबार पार्टीको आधिकारीक बैठक बसी आगामी रणनीति तय गर्ने नेता यादवले जानकारी दिनुभयो । डा. बाबुराम भट्टराईको नयाँ शक्तिसँग पार्टी एकीकरणपछि समाजवादी पार्टी नेपालका अध्यक्ष यादवको करिब ढेड वर्षको वर्तमान सरकारसँगको यात्रा मंगलबारबाट टुटेपछि प्रदेश नं. २ को सत्ता समिकरण पनि परिवर्तन हुने अड्कल बाजी गरिएको छ ।
यस्ताे थियाे कार्यदल गठन गर्ने उपेन्द्रकाे प्रस्ताव :
