काठमाडौं । ग्राहलाई दिने सुविधा वृद्धिगर्दै लगेको एनआईसी एशिया बैंकले सूचना प्रविधिको प्रयोगमा पनि उस्तै फड्को मार्दै गएको छ । ग्राहकलाई गुणस्तरीय सेवा दिने उद्देश्य अनुरुप इन्टरेक्टीभ भ्वाइस रेस्पोन्स (आइभीआर) सेवा सञ्चालनमा ल्याएको छ ।

यस्तो सेवा ल्याउने एनआईसी एसिया बैंक नेपालमा पहिलो हो । ग्राहकवर्गले आइभीआर सेवा प्रयोग गरेर आफ्नो खातामा रहेको व्यालेन्स रकम, पछिल्लो तीन कारोबारको विवरण, कार्ड ब्लक, आइभीआर पिन परिवर्तन तथा विभिन्न बैंकिङ्ग सेवाबारे जानकारी समेत पाउन सक्ने बैंकले बताएको छ । यो सेवा प्रयोग गर्नका लागि बैंकका ग्राहकले आफ्नो बैंक खातामा रजिष्टर्ड मोबाइल नम्बरद्वारा आइभीआर सेवा दर्ता गर्नुपर्दछ । दर्ता प्रक्रिया एसएमएस वा फोन कल दुबै माध्यमबाट गर्न सकिने बैंकले जनाएको छ ।

पहिलो पटक दर्ता गर्नका लागि आइभीआर इस्पेस आफ्नो खाता नम्बर (IVR<space>Account Number) टाइप गरी ३४४८८ मा पठाउनुपर्नेछ । दर्ता प्रक्रिया समाप्त भए पश्चात आइभीआर सेवा उपयोग गर्नका लागि ०१–५९७०१०० मा रजिष्टर्ड मोबाइल नम्बरबाट कल गर्नुपर्नेछ र आश्वयक सेवा उपयोग गर्न सक्ने बताइएको छ ।