काठमाडौं । नेपाल आयल निगमले खाना पकाउने ग्यासमा एकैपटक २३५ रुपैयाँ मूल्य बढाएको छ । इन्डियन आयल कर्पोरेसनबाट प्राप्त नयाँ खरिद मूल्यअनुसार पेट्रोल प्रतिलिटर ४ रुपैयाँ र डिजल–मट्टितेलमा ३ रुपैयाँ बढाइएको हो । आयल निगमले बिहीबार साँझ विज्ञप्तिमार्फत जनाएको छ । वृद्धि भएको मूल्य आज मध्यरातिदेखि नै लागू हुनेछ । अब ग्यास प्रतिसिलिन्डरको १ हजार ८९५, पेट्रोल प्रतिलिटर १८२ रुपैयाँ र डिजल–मट्टितेल १७० रुपैयाँ पुगेको छ । यसअघि ग्यास प्रतिसिलिन्डरको १ हजार ६६०, पेट्रोल प्रतिलिटर १७८ रुपैयाँ र डिजल–मट्टितेल १६७ रुपैयाँ थियो ।