काठमाडौंं । प्रविधिको दुरुपयो गर्दै ह्याकरहरुले एटीएमलाई निशाना बनाएपछि नेपाल राष्ट्र बैंकले बैंक तथा वित्तीय संस्थाहरुको एटिएम बुथमा २४ सै घण्टा सुरक्षा गार्ड राख्न निर्देशन दिएको छ । बैंक तथा वित्तीय संस्थाहरुको सिस्टम ह्याक गरी रकम निकाल्ने क्रम एकपछि अर्को गर्दै बढेपछि राष्ट्रबैंकले यस्तो निर्देशन जारी गरेको हो ।

त्यस्तै एटिएम बुथमा कुनै व्यक्ति वा समुहबाट शंकास्पद गतिविधि भएको शंका लागेमा यथाशीघ्र संस्थाले तोकेको पदाधिकारी तथा निकायमा सूचित गराउने व्यवस्था मिलाउन समेत निर्देशन दिएको छ । त्यसैगरी राष्ट्र बैंकले बैंकिङ्ग प्रणलीमा सुधार गरी ह्याकिङ्ग रोक्न हरेक संस्थाले सूचना प्रविधि सम्बन्धमा आकास्मिक सहायता समूह गठन गर्न समेत निर्देशन दिएको छ । कुनै किसिमको साइबर आक्रमण, शंकास्पद गतिविधि वा अनाधिकृत पहुँच भएमा तत्काल सो को जानकारी राष्ट्र बैंकको भुक्तानी प्रणाली विभागमा गराउन निर्देशन दिएको छ ।

हेर्नुहोस्, यस्तो छ राष्ट्र बैंकको पत्र