काठमाडौं । आफ्ना ग्राहक हरेक क्षेत्रमा विशेष छूटका कार्यक्रम पस्कँदै आएको एनआईसी एशिया बैंक लिमिटेडले फुृडमान्डुमा पनि आफ्ना ग्रहकलाई डिजिटल भुक्तानीका साथै छूटको व्यवस्था गरेको छ । एनआईसी एशिया बैंकले उपलब्ध गराएको विभिन्न डिजिटल प्रविधिमार्फत् फुडमान्डुको भुक्तानी संकलन गर्ने सम्झौता भएको छ । उक्त सम्झौता अनुसार कुनै पनि बैंकका ग्राहकहरुले फुडमान्डुबाट खानेकुरा अर्डर गर्दा कार्ड तथा मोबाइल बैकिङ्ग प्रयोग गरी भुक्तानी गर्न सक्नेछन् ।
यस सम्झौतासँगै सीमित अवधिका लागि एनआईसी एशिया बैंक लगायत अन्य विभिन्न बैंकका मोबाइल बैंकिङ्ग प्रयोगकर्ताहरुले फुडमान्डुबाट खानेकुरा अर्डर गरी क्युआर कोडमार्फत् भुक्तानी गर्दा २५ प्रतिशत वा अधिकतम सयसम्म छुट प्राप्त गर्न सक्नेछन् । उक्त सम्झौतापत्रमा बैंकको तर्फबाट बैंकका सहायक प्रमुख कार्यकारी अधिकृत सन्तोष कुमार राठी र फुडमान्डुको तर्फबाट प्रमुख कार्यकारी अधिकृत निदान श्रेष्ठले हस्ताक्षर गरेका छन् ।