अर्थबीमा समाचारदाता

काठमाडौं । लाइफ इन्सुरेन्स कर्पोरेसन (एलआइसी) चालु आर्थिक बर्षको पहिलो तीन महिनाको प्रतिवेदन सार्वजनिक गर्दै खुद नाफा घटेको देखाएको छ । सो जीबन बिमा कम्पनीको खुद नाफामा ५१ प्रतिशतको गिरावट सहित दुई करोड ३६ लाख ७८ हजार रुपियाँमा झरेको छ । सो बिमा कम्पनीले अधिल्लो बर्षको सोहि अवधिमा चार करोड ८८ लाख ६८ हजार रुपियाँ खुद नाफा कमाउन सफल भएको थियो ।

कम्पनीका अनुसार बिमांकीय मूल्यांकन हुन बाँकी रहेकाले आर्थिक वर्ष २०७५–७६ देखिको नाफा भने यस प्रतिवेदनमा समावेश नभएको कारण पनि खुद नाफामा उल्लेख्य गिरावट देखिएको हो ।
एलआईसीको जीवन बिमा कोषमा ५७ अर्ब ८० करोड ४२ लाख ८९ हजार रुपियाँ रहेको देखाइएको छ भने कम्पनीको प्रतिसेयर आम्दानी भने मात्र एक रुपियाँ १८ पैसा रहेको छ । त्यसैगरी कम्पनीको प्रतिसेयर नेटवर्थ १३२ रुपियाँ ७५ पैसा रहेको छ ।