काठमाडौंं । अग्रणी जीवन बीमा कमपनी लाइफ इन्स्योरेन्स कर्पोरेशन (एलआईसी नेपाल) लिमिटेडले नयाँ बोनसदर सार्वजनिक गरेको छ । कम्पनीको चालू आर्थिक वर्षको आर्थिक स्थितिको लेखाजोखा र दायित्व मूल्यांकनसम्बन्धी बीमांकीय प्रतिवेदन नियामकीय निकाय बीमा प्राधिकरणले चैत १७ गते स्वीकृत गरेसँगै मुनाफामा सरिक हुने गरी बोनसदर सार्वजनिक गरेको हो । कम्पनीको नयाँ बोनसदरअनुसार बिमितले ‘जीवन विद्या’, ‘जीवन साथी’ र ‘जीवन श्री बीमा योजनामा न्यूनतम ५१ रुपियाँदेखि ५३ रुपियाँसम्म प्रतिवर्ष प्रतिहजारका दरले बोनस पाउनेछन् । त्यसैगरी ‘सावधिक योजना’मा न्यूनतम ५५ देखि अधिकतम ६५ रुपियाँसम्म बोनस दिने कम्पनीले घोषणा गरेको छ । त्यसैगरी, ‘जीवन आनन्द’ बीमा योजनामा बीमालेख अवधिअनुसार बिमिततले न्यूनतम ५० रुपियाँदेखि अधिकतम ६० रुपियाँसम्म बोनस प्राप्त गर्नेछन् । साथै, ‘बाल सावधिक बीमा योजना’ मा बिमितले बीमालेख अवधिअनुसार न्यूनतम ५१ रुपियाँदेखि अधिकतम ६४ रुपियाँसम्म बोनस दर पाउने कम्पनीले जनाएको छ । यसबाहेक कम्पनीले ‘धन वृष्टि’ योजनामा न्यूनतम ५५ रुपियाँदेखि अधिकतम ५७ रुपियाँसम्म बोनस दर निर्धारण गरेको छ । अर्को बीमा योजना ‘धनफिर्ता’मा न्यूनतम ५६ रुपियाँदेखि ६० रुपियाँसम्म बोनस पाउने कम्पनीको भनाइ छ । त्यस्तै, ‘बाल ममता’ र ‘बाल स्नेह’ बीमा योजनामा बीमालेख अवधिअनुसार बिमितले न्यूनतम ५५ रुपियाँदेखि ५७ रुपियाँसम्म बोनस पाउने भएका छन् । साथै, ‘जीवन तरंग’ योजनामा न्यूनतम ५० रुपियाँ र अधिकतम ५५ रुपियाँसम्म बोनस पाउने पनि कम्पनीले जनाएको छ । ‘न्यू जीवन तरंग’ मा बिमितले बीमालेख अवधिअनुसार न्यूनतम ५० रुपियाँदेखि अधिकतम ५५ रुपियाँसम्म बोनस पाउनेछन् भने ‘जीवन बचत’ योजनाअन्तर्गत न्यूनतम ४१ रुपियाँदेखि अधिकतम ६३ रुपियाँसम्म बोनस पाउने सक्ने कम्पनीले जनाएको छ । साथै, कम्पनीले ‘जीवन लाभ’ योजनामा न्यूनतम ५१ रुपियाँदेखि अधिकतम ५७ रुपियाँसम्म बोनस दिने भएको छ । त्यस्तै, ‘बाल समृद्धि’ योजनाका बिमितले न्यूनतम ५५ देखि अधिकतम ५६ रुपियाँसम्म प्रतिवर्ष प्रतिहजारका दरले बोसदर पाउनेछन् । अर्को योजना ‘लघु सावधिक बीमा योजना’ अन्तर्गत सबै अवधिका बीमालेखमा ४१ रुपियाँ मात्र बोनस पाउने कम्पनीले जनाएको छ । साथै कम्पनीले ‘जीवन सरल’ योजनाअन्तर्गत थप लोयल्टीको पनि व्यवस्था गरेको छ । बिमितले ५ हजारसम्म २५५, ५ हजारदेखि २० हजारसम्म ३१०, २०००१ देखि ५०००० सम्म ३६५ र ५०००१ र सोभन्दा माथि ४०५ रुपियाँ लोयल्टी पाउनेछन् ।