काठमाडौं । करोना भाइरस नियन्त्रण विश्वका सबै राष्ट्रका लागि चुनौतीपूर्ण बन्दै गएको स्थितिमा अत्यावश्यक उत्पादन र आपूर्ति व्यवस्थित बनाउन नेपाल औषधि उत्पादक सघं (एप्पोन) लागीपरेको जनाएको छ । एप्पोनद्वारा जारी विज्ञप्तिमा औषधि आपूर्तिलाई सहज बनाउँदै कोरोना भाइरस सङ्क्रमणबाट कर्मचारी तथा सम्पूर्ण स्वास्थ्यकर्मीले सावधानी अपनाउनुपर्ने जनाइएको छ । तर एप्पोनका महा–सचिव विप्लव अधिकारीका अनुसार औषधि आपूर्ति सहज हुन उद्योगीको एकल प्रयास मात्र सम्भव नहुने उनको तर्क छ ।

यसका लागि सरकारी सयंत्र उद्योग मैत्री भई औषधि उद्योग तर्फका सबै तहका कर्मचारी घरदेखि कार्यस्थलसम्म पुग्ने वातावरण बनाउने जिम्मा सरकारको हो । उद्योगका कर्मचारी कामको सिलसिलामा घरबाट बाहिर देख्ने बित्तिकै प्रहरी प्रशासनले लाढी बर्साउन बन्द गरिनु पर्दछ ।
निजी क्षेत्रबाट विभिन्न उद्योगहरूमा गरिएका लगानी मध्येकै उत्कृष्ट लगानी औषधि तर्फको भएको बताएका छन् ।

आजको अप्ठ्यारो परिस्थिीतीमा देश र जनताको औषधि जस्तो अत्यावसकिय बस्तुको माग पूरा गर्न पूर्णता सक्षम बनेको छ । उद्योगमा उत्पादन भएका औषधि सुपर स्टकिष्ट, थोक बिक्रेता हुँदै खुद्रा पसल सम्म पुग्न आन्तरिक ढुवानी परिचालनमा सहज वातावरण राज्यबाट बनाइनु पर्दछ ।

नेपालको आन्तरिक मागको ७० प्रतिशत औषधि नेपालमै उत्पादन हुने भएकोले जस्तो सुकै परिस्थितिमा नेपालीलाई आवश्यक पर्ने औषधि प¥पर्याप्त उत्पादन गर्ने क्षमता भएको अधिकारीले दाबी गरेका छन् । नेपाल बन्न सक्ने सबै प्रकारका औषधिको ६ महिना सम्म पुग्ने मौज्दात रहेकोले आत्तिइहाल्नु पर्ने स्थिीती नभएको प्रस्ट पारेका छन् । हाल उद्योगलाई आवश्यक पर्ने कच्चा पदार्थ ३ महिना सम्मलाई पुग्छ । त्यस पछि आवश्यकता अनुसार छिमेकी राष्ट्र भारत वा चीनबाट एअर लिफ्ट गरी कच्चा पदार्थ नेपाल भित्र्याउने योजनामा उद्योगी रहेको उनको जिकिर छ ।
कोरोना भाइरस सक्रंमणबाट देशका जनता आक्रान्त भइरहेको बेला औषधि उद्योगबाट आपूर्तिलाई सहज बनाउन समपूर्ण स्रोत साधनलाई प्रयोगमा ल्याइएको जानकारी दिँदै यस स्थितिमा जनतामाझ औषधिको पहूच वृद्धिमा राज्यको दायित्व महत्त्वपूर्ण रहेको छ । उद्योगको आर्थिक पक्षलाई सबल बनाउन राष्ट्र बैकको राहत प्याकेज पर्याप्त नभए पनि राज्यले औषधि क्षेत्रको योगदान स्वरूप पक्कै पुरस्कृत गर्नेछ ।