काठमाडौं। प्रमुख प्रतिपक्षी दल नेपाली कांग्रेसका महामन्त्री डा. शशांक कोइराला कोरोनामुक्त भएका छन् । उनको सचिवालयले जनाएअनुसार हिजोमात्रै कोइरालाको पूनः कोरोना परीक्षण गरिएको थियो । र रिपोर्ट नेगेटिभ आएको थियो । कोइराला अझै एक साता घरमै आईसोलेशनमा बस्ने पनि जनाईएको छ । कोइरालालाई गत भदौ २३ गते कोरोना संक्रमण देखिएको थियो । श्वाँसप्रश्वाँसमा समस्या देखिएपछि र उच्च ज्वरो आएपछि उनलाई काठमाडौं चावहिलमा रहेका ॐ अस्पताल भर्ना गरिएको थियो । पछि, स्वास्थ्यमा सुधार आएपछि उनी डिस्चार्ज भएर घरमै आराम गरिरहेका थिए ।