काठमाडौं । कोरोना संक्रमणको दर उकालो लाग्दै गएको छ । पछिल्लो २४ घण्टामा देशभर १ हजार ३५९ जनालाई कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयको नियमित प्रेस ब्रिफिङमा प्रवक्ता प्रा डा जागेश्वर गौतमले देशभर १ हजार ३५९ जनालाई कोरोना पुष्टि भएको जानकारी दिनुभयो । काठमाडौं उपत्यकामा मात्रै ४५४ जनालाई पुष्टि भएको छ । काठमाडौंका ३८६, ललितपुरका ३२ र भक्तपुरका ३६ जनालाई कोरोना पुष्टि भएको छ । आज थपिएका संक्रमितसँगै कोरोना संक्रमितको संख्या ४४ हजार २३६ पुगेको छ । सोमध्ये निको हुनेको संख्या २५ हजार ५६१ रहेको छ । २४ घण्टामा १ हजार ३५४ जना डिस्चार्ज भए । यस्तै २४ घण्टामा १३ हजार ६३८ जनाको पीसीआर परीक्षण भयो ।