काठमाडौं । प्रहरीले कृषि विकास बैंकको सिस्टम ह्याक गरी ५ करोड रुपैयाँ रकम चोरिएको घटनामा संलग्न भएको आशंकामा थप ३ जनालाई पक्राउ परेको छ। यसरीपक्राउ पर्नेमा पर्वतका गणेश बस्याल (२६), मालती देवी न्यौपाने र कञ्चनपुरका यज्ञराज भट्टलाई रहेका छन् ।
भट्टको खातमा ४५ लाख र मालतीको खातामा २४ लाख रकम भेटिएपछि उनीहरूलाई अनुसन्धानका लागि पक्राउ गरिएको अपराध महाशाखाले जनाएको छ ।
पक्राउ परेका बस्यालले भने भारतमा रहेका मुख्य योजनाकार काले भनिने पिटरसँग सम्पर्क भएको पाइएको महाशाखाका प्रमुख एसएसपी सहकुल थापाले जानकारी दिएका छन् ।
उनै बस्यालले मालती न्यौपाने र यसअघि पक्राउ परेका रामकृष्ण भुसाललाई रकम पठाउन लगाएको प्रारम्भिक अनुसन्धानबाट खुलेको छ । यस घटनामा प्रहरीले यसअघि १३ जनालाई पक्राउ गरि अनुसन्धान गरिरहेको छ ।