टोकियो । नेपालीहरूको रोजगारीका लागि आर्कषक गन्तव्य मुलुक जापानको श्रम बजार कोरोना महामारीका कारण नराम्रोसँग प्रभावित बनेको छ । यहाँको श्रम मन्त्रालयको तथ्यांक अनुसार अहिलेसम्म जापानमा कोरोना संक्रमणको असरकै कारण ७० हजार भन्दा धेरै व्यक्तिले जागरि गुमाईसकेका वा गुमाउने अवस्थामा छन् ।

मन्त्रालयको तथ्यांकमा रोजगारी सम्झौता नवीकरण नभएको, जागिर गुमाएको वा अन्य कारणले काम छाड्नु परेकोले काम गुमाएकाको संख्या ७०,२४२ उल्लेख भएता पनि यो संख्या धेरै बढी रहेको ठानिएको छ ।

अक्टोबर ३० सम्मको सर्वेक्षणले सबै भन्दा धेरै निर्माण क्षेत्रमा काम गर्नेहरुले आफ्नो रोजगारी गुमाएको देखाउँछ । निर्माण क्षेत्रमा कार्यरत १२,९७९ व्यक्तिहरुले रोजगार गुमाएका छन् । त्यसपछि रेष्टुरेन्ट र पबका १०,४४५ कामदारहरूले रोजगारी गुमाएका छन् भने खुद्रा क्षेत्रमा ९,३७८ जनाले र होटल क्षेत्रमा कार्यरत ८,६१४ जनाले जागिर गुमाए छन् ।
जापान सरकारले कर्मचारीहरुको जागिर जोगाउन र ब्यबसाय जोगाउनको लागि व्यवसायीहरुलाई सरकारी राहत लिनका लागि अनुरोध गरिरहेका छन् ।