एजेन्सी । कोरानाको संक्रमण विश्वव्यापी भएको छ । साना र अल्पविकसित मुलुक मात्रै होइन विकसित मुलुकलाई समेत कोरानाको संक्रमणले आक्रान्त बनाइरहेको छ । कोरोना भाईरसको संक्रमणले महामारीको रुप लिन थालेपछि अमेरिकी राष्ट्रपति डोनाल्ड ट्रम्पले राष्ट्रिय संकटकालको घोषणा गरेका छन् । राष्ट्रपति भवन ह्वाइटहाउसमा पत्रकार सम्मेलनको आयोजना गरेर ट्रम्पले अमेरिकाभर संकटकालको घोषणा गरेका हुन् ।

संकटकाल घोषणापछि अब ट्रम्पले ५० अर्ब अमेरिकी डलरको प्रकोप राहत कोष कोरोनासँग जुघ्न प्रयोग गर्ने सक्नेछन् । अमेरिकामा शनिबार बिहानसम्ममा २ हजार ४५ जना कोरोना भाईरसबाट संक्रमित भएको पुष्टी भएको छ । शुक्रबार मात्रै अमेरिकामा ३ सय ३३ जना नयाँ संक्रमित भेटिएका छन । अमेरिकामा कोरोनाबाट संक्रमित ४३ जनाले ज्यान गुमाइसकेका छन ।