काठमाडौं । कोरोना कहरका बीचमा पनि लाईफ इन्स्योरेन्स कर्पोरेशन नेपाल (एलआईसी नेपाल) ले आफ्ना सबै सूचांकमा प्रगति गरेको छ । गत आवको चौथो त्रैमासिक वित्तीय विवरण प्रकाशन गर्दै कम्पनीले आफ्ना सूचांकहरुमा प्रगति गरेको देखाएको हो ।
विवरण अनुसार गत आवमा झण्डै १५ अर्ब अर्थात १४ अर्ब ८३ करोड ८५ लाख २५ हजार २९१ रुपैयाँ खूद बीमा शुल्क आर्जन गरेको छ । गत आर्थिक वर्षमा १३ अर्ब ३४ करोड ७१ लाख १७ हजार ३७६ रुपैयाँ आर्जन गरेको थियो । कोरोना महामारीका बीच सो कम्पनीले खुद बीमा शुल्क आर्जन बृद्धि गर्न सफल भएको छ । कम्पनीले गत आवको भन्दा करिब डेढ अर्ब रुपैयाँ बीमा शुल्क आर्जन बृद्धि गर्न सफल भएको छ । त्यस्तै कम्पनीको कूल बीमा शुल्क आर्जन १४ अर्ब ९२ करोड ३८ लाख ५९ हजार छ ।
अघिल्लो वर्ष कम्पनीले १३ अर्ब ४१ करोड १७ लाख ९८ हजार रुपैयाँ आर्जन गरेको थियो कम्पनीको कूल बीमा शुल्क समेत बृद्धि भएको छ । गत आवको असार मसान्त सम्ममा एलआईसी नेपालले तीन अर्ब ७४ करोड पाँच लाख ७१ हजार ९५६ रुपैयाँ दावी भुक्तानी गरेको छ । मृत्यु दावी भुक्तानी तथा परिपक्व पश्चात गरिएको दावी भुक्तानी अघिल्लो वर्ष तीन अर्ब ३४ करोड ९४ लाख १५ हजार ३३८ रुपैयाँ थियो । त्यस्तै कम्पनीको भुक्तानी हुन बाँकी रकम २० करोड २८ लाख १८ हजार ४० रुपैयाँ छ । अघिल्लो वर्ष दावी भुक्तानी हुन बाँकी रकम १४ करोड ३३ लाख ८४ हजार १३० रुपैयाँ थियो ।
कम्पनीले सञ्चालन अवधीमा ११ करोड ९७ लाख ९१ हजार ९६४ रुपैयाँ मुनाफा आर्जन गर्न सफल भएको छ । अघिल्लो वर्ष कम्पनीको मुनाफा १६ करोड भन्दा बढि थियो । यद्यपि जीवन बीमा कम्पनीहरुको मुनाफा बीमाङ्कीय मूल्याङ्कनको क्रममा बढ्ने वा घट्ने हुन सक्नेछ । सोही बमोजिम लेखा परिक्षण तयार हुने हुँदा अहिले प्रक्षेपित मुनाफालाई अन्तिम तथ्याङ्क मान्न सकिदैन । गत आव सम्ममा कम्पनीमा ७ लाख ६२ हजार १६३ वटा बीमालेख कायम छ । गत वर्ष कूल बीमालेखको संख्या सात ७ लाख ९४ हजार ४५१ वटा थियो । कोरोना महामारीको कारण गत चैत्र ११ गतेदेखि चार महिना लामो लकडाउनको असर कम्पनीमा सामान्य रुपमा परेको देखिएको छ ।
