काठमाडौं । देशभर कोरोना संक्रमण फैलिएको मात्रै छैन स्थिति जटिल बन्दै गएको संकेत पछिल्ला दिनका संक्रमण दरले देखाएको छ । पछिल्लो २४ घण्टामा देशभर १ हजार १११ व्यक्तिलाई कोरोना भाइरस पुष्टि भएको जानकारी दिएको छ । मन्त्रालयको नियमित प्रेस ब्रिफिङमा प्रवक्ता प्रा. डा जागेश्वर गौतमले देशभर १ हजार १११ जनालाई कोरोना पुष्टि भएको जानकारी दिनुभयो । एकैदिन संक्रमण पुष्टि भएको यो संख्या अहिलेसम्मकै उच्च हो । एकैदिन संक्रमण पुष्टि भएको यो संख्या अहिलेसम्मकै उच्च हो । यो सँगै कोरोना संक्रमितको संख्या ३५ हजार ५२९ पुगेको छ ।
२४ घण्टामा १२ हजार ६२९ जनाको पीसीआर परीक्षण भएको छ । संक्रमितमध्ये हालसम्म सक्रिय संक्रमितको संख्या १५ हजार २७३ रहेको छ । पछिल्लो २४ घण्टामा थप ५६९ जना कोरोना संक्रमणमुक्त भएका छन्। योसहित नेपालमा हालसम्म २० हजार ७३ उपचारपछि निको भएका छन् ।

काठमाडौंमा एकैदिन ३७७ जनालाई कोरोना
काठमाडौं उपत्यकामा एकैदिन ३७७ जनालाई कोरोना भाइरस रोग पुष्टि भएको जानकारी दिएको छ । उपत्यकामा एकैदिन अहिले सम्मकै उच्च संख्यामा संक्रमित थपिएको जानकारी दिनुभयो । उहाँका अनुसार काठमाडौंका २७०, ललितपुरका ६६ र भक्तपुरका ४१ जनालाई कोरोना पुष्टि भएको छ ।