एजेन्सी । कीर्तिमानी चार स्वर्ण पदक बिजेता पौडीबाज गौरिका सिंहका बुवा पारसलाई कोरोना भाइरस संक्रमण भएको छ । बेलायतमा चिकित्सकको रुपमा कार्यरत उनलाई अस्पतालमा काम गर्ने क्रममा पारसलाइ कोरोना भाइरस संक्रमण भएको हो । लक्षण देखा परेपछि पारस घरमै आइसोलेसनमा बसेको बताइएको छ । उनलाइ संक्रमण हुने समयमा बेलायतमा अहिलेको स्तरमा भाइरस नफैलिएकाले उनको परीक्षण गरिएन । अहिले पनि सबैको परीक्षण गरिँदैन । तर लक्षण पुष्टि भएपछि आइसोलेसनमा बस्न भनिन्छ । सोही अनुसार पारस आइसोलेसनमा बसिरहेका छन् ।