काठमाडौं। जनता बैंकसँगको मर्जरपछि एकीकृत कारोबारका लागि ग्लोबल आइएमइ बैंक ३० घण्टा बन्द हुने भएको छ। जनता बैंकलाई गाभेर एकीकृत कारोबार गर्न लागेकाले बन्द हुन लागेको बैंकले जनाएको छ । ग्लोबलसँगै जनता बैंकको सेवा पनि बन्द हुने छ। मंसिर २० गतेबाट एकीकृत कारोबार सुरु हुँदैछ। त्यही दिनबाट कारोबार सुचारु हुने छ। जनता र ग्लोबल आइएमइ बैंकले आज साँझ ६ बजेदेखि भोलि राति १२ बजेसम्म बन्द हुने छन्। यस बीचमा दुबै बैंकको एटिएम, क्रेडिट कार्ड, मोबाइल बैंकिङ, इन्टरनेट बैंकिङदेखि शाखारहित बैंकिङ सेवासम्म बन्द हुने बताइएको छ।