काठमाडौं । नेपाल सरकारले आर्थिक नीतिमार्फत् नै ठूला बैंकहरुलाई मर्जरमा लाने नीति लिएबमोजिम ग्लोबल आईएमई बैक र जनता बैक नेपाल मर्जर भएका छन् । शुक्रबार राजधानीमा आयोजित एक कार्यक्रमकाबीच मर्जर सम्बन्धी सम्झौतापत्रमा हस्ताक्षर भएको हो । सम्झौतापत्रमा ग्लोबल आईएमई बैकका अध्यक्ष चन्द्रप्रसाद ढकाल र जनता बैंक नेपालका अध्यक्ष केशवबहादुर रायमाझीले हस्ताक्षर गरेका गर्नुभएको थियो । दुवै बैंकले नेपाल राष्ट्र बैकले अन्तिम स्वीकृति पश्चात एकीकृत कारोबार सुरु गर्नेछन् ।
यी दुई बैकले गत असार २० गते मर्जरका लागि प्रारम्भिक सहमतिपत्रमा हस्ताक्षर गरेका थिए । मर्जरपछि बन्ने बैकको नाम ग्लोबल आईएमई बैक र त्यसको अध्यक्ष चन्द्रप्रसाद ढकाल हुने सहमति भएको छ । हस्ताक्षर कार्यक्रममा बोल्दै ग्लोबल आईएमई बैकका अध्यक्ष ढकालले मर्जरपछि ग्लोबल आईएमई बैंक सबैभन्दा ठुलो बैंक बन्ने र भविश्यमा नै सबै जिल्लामा सेवा विस्तार गरिने बताउनृभयो ।
मर्जर पछिको बैकको सञ्चालक समितिमा ग्लोबलको तर्फबाट ५ जना र जनताको तर्फबाट २ जना सदस्य रहने सहमति भएको छ । मर्जरपछि बैकको चुक्ता पुँजी करिब १९ अर्ब, कुल निक्षेप २ खर्ब भन्दा बढी र कुल लगानी २ खर्ब पुग्ने छ । त्यस्तै बैकको शाखा सञ्जाल ३ सय भन्दा बढी र ३ हजार २ सय बढी कर्मचारी रहनेछन् ।
